LIBURU GAZTEA 2013-2014

Ikasturte honetan, Mogel Isasik Galtzagorri Elkarteak antolatzen duen Liburu Gaztea Literatura sarian parte hartuko du. Ikasleek, proposatutako liburuen inguruko book trailerrak egin beharko dituzte.

Mailaz maila landuko dituzten liburuak hauek dira:

1. MAILA:    MAITAGARRIA ETA DESIOA

AUTOREA: Mariasun Landa

ILUSTRATZAILEA: Maite Gurrutxaga

Bai izeneko neska batek maitagarri bati lagundu zion eta, ordainetan,

maitagarriak desio bat betetzeko aukera eman zion. Neskak

biharamunean galdera bera egitera joateko eskatu zion, eta halaxe

egin zuen maitagarriak. Maitagarria konturatu ez arren, denbora

aurrera joango da eta neskak beti gauza bera eskatuko du, nahiz eta

maitagarriak ez ulertu sarritan. Azkenean, konturatuko da neskak

benetan nahi zuena desioak izateko gaitasunari eustea dela, alegia,

ilusioa izatea.

Bai pertsonaia berezia da, sorgina ematen du baina bere bizitza

arrunta da. Errealitatea eta fantasia nahasirik ditugu lan honetan:

jasaten ari garen krisi latza eta bizi dugun errealitate gogorra dugu

batetik eta maitagarri bat bestetik. Nahasketa berezi samarra baina emaitza interesgarria.

       2. MAILA:    MARTA ISPILUAREN AURREAN

AUTOREA: Teresa Calo

 Antzerki obra baten gidoia da. Bertan anorexiak jota hildako

hamazazpi urteko Martak bere bizitzaz hausnartuko du ikusleei

zuzendutako elkarrizketan, monologoa parterik luzeenean eta bere

buruaren alter egoa den eskeleto batzuekin elkarrizketan tarteka.

Anorexia da gaia eta horretaz hitz egiten du neskak, atseden gabe,

azken lerrora arte.

Egielak dioenez halako pertsonen sentimendu eta logikak agerian

utziaz zein barregarri eta ezdeus diren nabarmendu nahi du, halako

jokabideen erakargarritasun oro ezabatzeko irakurleen buruetatik.

       3. MAILA:    EZER EZ

AUTOREA: Janne Teller

Hausnarketa morala bilatzen duen eleberria.

Muturrera eramandako egoera batean hamabi bat urteko gaztetxoen

jokamoldea deskribatzen da.

Argudioa da ikaskide batek arbola batera igo eta bertatik ez jaistea

erabakitzen duela, “ezerk ez duelako ezertarako balio” ebatzita.

Gainerakoak hura jaitsarazten saiatuko dira eta euren eginahaletan

murgilduta kontrolaezina bihurtuko zaien dinamika arriskutsu batean

sartuko dira, eurentzat benetan zerk balio duen demostratzen

dabiltzala.

       4. MAILA:    SAGUAK ETA GIZONAK

AUTOREA: John Steinbeck

 Bi langile, George eta Lennie, leku batetik bestera dabiltza lanean, bata “atzeratu” samarra da eta beti arazoetan sartzen da, besteak bere ardura hartzen du. Elkar babesten dutela esan daiteke. Biek dute amets bera: egunen batean lur sail bat eta etxetxo bat erostea, bertan inoren menpe izan gabe bizi ahal izateko. Untxiak izango dituzte eta Lenniek zainduko ditu.

Egun baten, rantxo berri batera agertuko dira, eta han ere Lenniek

arazoetan sartuko ote dituen beldur izango da.George. Rantxoko

bizimodura egokitzen ahaleginduko dira. Halako batean, susmo

txarrenak bete egingo dira. Nagusiaren errainarekin arazoa izango du

Lenniek eta alde egin beharko du. Georgek jakingo du non aurkitu

Lennie. Erabaki oso gogorra hartu beharko du, nagusiaren semeak

aurkitzen badu okerrago izango baita.


Book trailerrak prest daudenean blogean jarriko ditugu!

ZORTE ON!!!